محمد ابو الوفا
صبايا الخير – في حوار مع رجل الأوتوبيس … بيدعي على الناس و بيتمنالهم يخلصوا من الدنيا
التقى برنامج “صبايا الخير” الذي تقدمه الإعلامية ريهام سعيد، على شاشة “النهار”، الحاج عبد الواحد”، المعروف بـ”رجل الأتوبيس”، حيث كشف عن سر دعائه على الناس وقوله لهم “ربنا ياخدكم براحة ويموتكم بالسلامة”.
وقال الحاج عبد الواحد، المعروف بـ”رجل الأتوبيس”، خلال حواره بالبرنامج: “الناس هما اللى بيطلبوا مني كدا.. كنت أتحدث مع أحد الركاب بالأتوبيس، وقلت ربنا ياخدكم بالراحة.. إحنا ضيوف على الدنيا وهنرحل.. والدنيا مجرد محطة.. ولما قلت وجدت تفاعلا من الركاب.. وقلت لهم بدل ما تقعدوا شهرين تطلعوا في الروح، ربنا ياخدكم بسرعة.. وإن ربنا يهون سكرات الموت وياخدكم لحظتها”.
وأشار إلى أنه وجد تفاعلا كبيرا من قبل الركاب، حيث قاموا بتصويره، مضيفًا: “ببيع سبح وأذكار ولقيت قبولا كبيرا من الناس بالدعوات بتاعتي.. أنا باخد خمسة جنيه وأديهم سبحة.. واللي بيصور بياخد لايكات ومتابعات”.
كما كشف الحاج عبد الواحد، عن مواقفه الطريفة مع السيدات، ولماذا “البنات بتجري وراه وإيه سر البنت اللي عرضت عليه الجواز وهي اللي هتجهز الشقة؟”، وقال إن إحدي السيدات جلست معه على أحد المقاهي وأعربت عن إعجابها الكبيرة بجرأته وشجاعته وأكدت أنها تملك شقة جاهزة بالكامل، مضيفًا: “بعد كل ده طلعت الكاميرا الخفية”.
وواصل: “أنا متزوج ولدي 4 أبناء، لقيت واحدة معجبة بيا، وقالت لى وعرضت عليا الزواج، وأن لديها العفش والشقة وماشية في التلاتينات بس طلعت الكاميرا الخفية”.
